ადგილი და თარიღი: 26-27 ივნისი, თბილისი, საქართველო
კონცეფციის შესახებ:
ყოველწლიური კონფერენციის ეგიდით, CRRC მართავს პოსტერის საპრეზენტაციო სესიას მაგისტრატურისა და დოქტორანტურის მოწინავე სტუდენტებისთვის. პოსტერები ფართო აუდიტორიისთვის თქვენი კვლევის წარმოდგენის მარტივ, თუმცა ხელმისაწვდომ საშუალებას წარმოადგენს. პოსტერები თქვენი კვლევის მიწოდების სწრაფი და, ამავდროულად, ძლიერი საშუალებაა, რაც მონაწილეებისგან დაუყოვნებლივი უკუკავშირის მიღების შესაძლებლობასაც იძლევა. პოსტერის საპრეზენტაციო სესიისთვის ჩვენ მივესალმებით ნამუშევრებს შემდეგი ფართო თემების ირგვლივ:
- კონფლიქტები, გადაადგილება და შერიგება;
- კულტურა, ღირებულებები და იდენტობა;
- ეკონომიკური განვითარება, გაციფრულება, ენერგია და მობილობა;
- პოლიტიკა, ძალაუფლება და დემოკრატია;
- ურბანული და გარემოსდაცვითი საკითხები;
- სამოქალაქო საზოგადოება და აქტივიზმი;
CRRC-ის ოფისები ყველაზე საინტერესო პოსტერის პრეზენტაციას პრიზით დააჯილდოვებენ. მეტი ინფორმაციისთვის, გთხოვთ, მიჰყევით შემდეგ ლინკებს: პირველი, მეორე, მესამე.
როგორ მივიღოთ მონაწილეობა?
პირველადი განაცხადები, აბსტრაქტისა და CV-ის ჩათვლით, უნდა გადმოაგზავნოთ შემდეგი ფორმის მეშვეობით. CRRC-ის ოფისები წარმატებულ კანდიდატებს დაუკავშირდებიან და მათგან პოსტერების გადმოგზავნას დაელოდებიან. საბოლოო დასტურის შესახებ ინფორმაცია გავრცელდება მაისის შუა რიცხვებში.
მნიშვნელოვანი თარიღები:
პირველადი განაცხადის შემოტანა (აბსტრაქტი და CV) – 6 აპრილი, 2020
წინასწარი დასტური – 13 აპრილი, 2020
პოსტერის პრეზენტაციის წარდგენა – 4 მაისი, 2020
საბოლოო დასტური – 15 მაისი, 2020
CRRC-ის შესახებ
კავკასიის კვლევითი რესურსების ცენტრი (CRRC) წარმოადგენს კვლევით და კვლევის მხარდამჭერი ცენტრების ქსელს, რომელიც სომხეთის, აზერბაიჯანისა და საქართველოს დედაქალაქებში ოპერირებს. დაარსების წლიდან (2003წ.) CRRC-ის მიზანს წარმოადგენს სოციალური მეცნიერების კვლევებისა და პოლიტიკის ანალიზის გაძლიერება სამხრეთ კავკასიაში. ბოლო ჩვიდმეტი წლის მანძილზე, CRRC-ის ოფისები გახდა სოციალური მეცნიერებათა საზოგადოების აქტივობის ცენტრი სამხრეთ კავკასიაში მონაცემებზე წვდომის, სამეცნიერო ლიტერატურისა და სოციალური მეცნიერების მკვლევართათვის პროფესიონალური ტრენინგების უზრუნველყოფით. CRRC-ისა და მოახლოებული კონფერენციის შესახებ მეტი ინფორმაციის მისაღებად, გთხოვთ, ეწვიოთ შესაბამისი ქვეყნის ვებგვერდს მითითებულ მისამართებზე: crrc.am, crrc.az და crrc-georgia.com
კავკასიის ბარომეტრის შესახებ
„კავკასიის ბარომეტრი“ წარმოადგენს ქვეყნის მასშტაბით განხორციელებულ შინამეურნეობათა ორწლიურ კვლევას, რომელიც CRRC-ის ოფისების მიერ ტარდება სამხრეთ კავკასიაში. 2004 წლიდან მოყოლებული, CRRC-ს გამოკითხული ჰყავს სომხეთის, აზერბაიჯანისა და საქართველოს 45,000-მდე მაცხოვრებელი სოციალურ-ეკონომიკურ საკითხებზე, ღირებულებებზე, რწმენებსა და პოლიტიკურ დამოკიდებულებებზე. 2015 წლიდან, კავკასიის ბარომეტრი მხოლოდ სომხეთითა და საქართველოთი შემოიფარგლება. კვლევასა და მონაცემებთან წვდომაზე მეტი ინფორმაციის მისაღებად, გთხოვთ, ეწვიოთ შემდეგ მისამართს: caucasusbarometer.org
