სამხრეთ კავკასიამ მღელვარე 2020 წელი გამოიარა. გლობალურმა COVID-19-ის პანდემიამ და მთიან ყარაბაღში განახლებულმა საომარმა მოქმედებებმა შეცვალეს რეგიონი. სამხრეთ კავკასიის ქვეყნების მხრიდან პანდემიის შედეგებთან ბრძოლის პარალელურად, კითხვები ჩნდება იმასთან დაკავშირებით, არის თუ არა გამოწვევებისადმი ინსტიტუციური პასუხები საკმარისი და იყო თუ არა ვირუსის შესაჩერებლად წარმოდგენილი შეზღუდვები პოლიტიკური მანიპულაციის საგანი. მთიანი ყარაბაღის 2020 წლის ომმა ძირეულად შეცვალა სამხრეთ კავკასიის პოლიტიკური გეოგრაფია. ვინაიდან დასავლეთი და საერთაშორისო ორგანიზაციები არ იყვნენ წარმოდგენილი კონფლიქტის დროს, ისეთმა ტრადიციულმა რეგიონულმა ძალებმა იჩინეს თავი, როგორებიცაა რუსეთი და თურქეთი. რადგან ომს ხშირად დიდი გეოპოლიტიკური გადაჯგუფების კუთხიდან განიხილავენ, მკვლევრებმა არ უნდა დაივიწყონ ომის განხილვა ისეთი ინდივიდებისა და საზოგადოებების კუთხიდან, რომლებიც ასეთ ანალიზსში ვერ ხვდებიან.
აღნიშნული ორდღიანი ვირტუალური კონფერენცია, რომელიც 2021 წლის 25-26 ივნისს გაიმართება, მოცემულ კითხვებს გასცემს პასუხს. ოთხი თემატური პანელი განიხილავსამ წლის კონფერენციის თემის ძირითად კითხვებს. CRRC-ის მე-7 ყოველწლიურ კონფერენციაზე სამ ძირითად მოხსენებას წარადგენენ პროფესორი ჯენიფერ მაკკო, (პოლიტოლოგიის გამორჩეული პროფესორი ჯორჯიის სახელმწიფო უნივერსიტეტიდან), დოქტორი ლოურენს ბროერსი (შერიგების რესურსები) და დოქტორი გევორგ იეგიკიანი (ISTI-CNR, პიზა, იტალია). კონფერენციის დღის წესრიგისა და აბსტრაქტთა წიგნის შესახებ დეტალური ინფორმაცია წარმოდგენილია აქ.
COVID-19-ის პანდემიის გამო, ყველა ჩანიშნული ღონისძიება გაიმართება ვირტუალურად. პანელური პრეზენტაციები, მრგვალი მაგიდები და ძირითადი მოხსენებები გადაიცემა CRRC-ის Facebook გვერდის მეშვეობით. აუდიტორიის წევრებს კითხვების დასმის შესაძლებლობა ექნება უკუკავშირის გზით. მათ, ვისაც დისკუსიაში მონაწილეობის მიღება სურს, გთხოვთ, გამოგვეხმაუროთ აღნიშნული ფორმის საშუალებით.
კონფერენციის ორივე დღე ჩაწერილია და ხელმისაწვდომია CRRC-საქართველოს YouTube გვერდზე. ვიდეომასალები ხელმისაწვდომია აქ:
